2018年2月9日 星期五

每事問…會有好學問 🎼🎵

2018年2月9日

為咗令陳生個肚腩一日一日長大,陳太間唔中都會帶一家大細一齊去食糖水…

而嘉嘉就最鍾意去屋企樓下嘅糖水鋪食糖水嘞! 呢一間糖水鋪好特別,佢會擺出一D貨物寄賣嘅…

今次,陳太又發現咗一樣新嘅產品…佢再次發揮每事問嘅精神,於是佢就問新嚟嘅職員嘞…

陳太問: “呢隻飲品嗰樣好特別喎…喺咩嚟㗎?”

新嚟嘅職員:“ 妳真係好有品味喎…呢一隻係新產品嚟,好受歡迎㗎… 係接骨木蘋果汁汽水…”

陳太很有興趣地問:“ 係咩味道㗎?”

新嚟嘅職員:“Ahm… 有蘋果味啦…而且酸酸地咁,因為D 接骨木有少少酸味…”

陳太極有興趣地問:“接骨木?!喺咩嚟㗎,真係好特別喎…”

新嚟嘅職員:“Ahm…接骨木呢…就係呢…”

呢個時候,衰人陳生終於忍唔住爆笑…

說時遲那時快, 已經笑到標眼水的陳生和職員同時說出最標準的答案:“接骨木係一種植物嚟嘅!”

沒有留言:

張貼留言